【明報專訊】民建聯蕭嘉怡同自由黨陳浩濂早前辭任區議員加入政府問責班子，令港島中西區東華同山頂選區兩個議席出現空缺，補選��11月26日舉行，下月初起接受提名。民主派同建制派都對議席蠢蠢欲動，至於標榜中間派�儱s思維，噚日亦通知傳媒，話今個星期六(30日)會舉行執委會會議，討論區議會補選事宜，並決定出選選區同人選。若新思維都派人選，咁山頂富貴選區戰情就真係熱鬧喇。

認為山頂勝算低 考慮東華

Emily噚日聯絡新思維主席狄志遠，截稿前未回覆。有新思維中人話，該黨只會出選一個選區，唔會去晒兩個，但黨內未決定人選。另外有新思維中人話，黨內有多過一個人舉手表示有意出戰補選，雖然佢未知該黨係咪選一區，但承認山頂勝算好低，而東華「機會好�齱v，所以會重點考慮。

山頂選區方面，本身家住山頂�儱s民黨主席葉劉淑儀，日前表明有意披甲上陣；自由黨成員楊哲安同民主派民間組織「2047香港監察」召集人錢志健，都被指有意參選。東華選區方面，民主黨會同民間組織協調人選，民建聯未必派人出選，而當區小學校長呂錦強早前接受查詢時，就承認正考慮參選。