【明報專訊】踏入9月，唔少人都會選擇進修充實自己，深水埗區議員、自由黨李梓敬亦重返學生行列，第一堂上嘅課係由本身係大律師嘅經民聯立法會議員梁美芬教授。李梓敬不忘自拍擺相上網，透露自己報讀法律博士(JD)課程，噚日開學，由梁美芬教《基本法》。

學基本法 話好有用

李梓敬同Emily講，呢個課程為期兩年，揀讀法律係因為覺得作為從政者，喺地區不時都有居民諮詢佢有關法律嘅問題，對法律有更多認識，亦對佢喺政策辯論上有幫助，所以希望裝備吓自己。佢話梁美芬教嘅有關憲法科目係課程必修科，所以一班逾百個學生一齊聽書，雖然只上咗一堂，但都覺得好有用，認為對《基本法》起草過程等不同方面有更深認識。李梓敬笑言雖然做咗梁美芬「入室弟子」，但噚日就無同對方「相認」。