【明報專訊】教育大學香港研究學院噚日公布8月份「香港特首社交媒體民望數字」 ，發現特首林鄭月娥喺社交媒體中嘅民望淨值係+12.7，比7月份下跌1.8個百分點。香港研究學院副總監方志恒分析話，林太由當選到上任後，佢嘅社交媒體民望淨值都喺+12至+14之間徘徊，反映網民對佢嘅評價大致保持平穩。
「黃之鋒父批林鄭」帖文最熱
8月有關林太嘅社交媒體帖文中，最熱門嘅帖文題目係「黃之鋒父續開火：林鄭顛倒是非 石永泰涼薄傲慢助紂為虐」(帖文數量：996)、最活躍來源為「facebook」(帖文數量：20,871；主題數量：7558)。方志恒分析，網民都幾關注林太喺處理「雙學三子社運人士被判囚一事」嘅表現。
;)
