「吃石充飢」狗狗 周末偕主人亮相
[2017.08.18] 發表
【明報專訊】唔少動物被遺棄後命運坎坷，好似去年元朗有唐狗女「阿輕」遭主人遺棄後流浪街頭，疑連日來「飢不擇食」，吞咗大量石頭同雜草，搞到骨瘦如柴同腸臟嚴重阻塞，好彩被動物義工發現送往獸醫搶救。經過接近一年，原來阿輕已經搵到新主人喇。關注被遺棄動物嘅團體「毛孩守護者」，星期六、日就會去到大角嘴一個商場舉行有關活動，阿輕屆時亦會以毛守大使身分，同主人Connie一齊現身，Connie屆時會講吓「阿輕」被拯救同康復嘅點滴。
根據大會提供嘅相片，可見阿輕喺新主人照顧下肥肥白白，喺海中坐住浮牀個樣仲好開心𠻹！活動屆時即場設有領養毛小孩服務，十幾隻被救及等待領養嘅狗狗到場，親親小朋友之餘，亦傳遞愛護動物信息，有興趣嘅讀者留意喇。
(毛孩守護者提供)
更多港聞
【明報專訊】智能手機同平板電腦普及，唔少地方都已經提供免費Wi-Fi畀市民使用。政府資訊科技總監辦公室噚日就舉行「Wi-Fi.HK」推廣日，...
詳情
相關新聞
