更多政府場地將有免費Wi-Fi
[2017.08.18] 發表
【明報專訊】智能手機同平板電腦普及，唔少地方都已經提供免費Wi-Fi畀市民使用。政府資訊科技總監辦公室噚日就舉行「Wi-Fi.HK」推廣日，宣布喺更多政府場地，包括香港文化中心、尖沙嘴海濱花園同文錦渡陸路口岸等，提供免費Wi-Fi。
副創科局長鍾偉强話，會繼續透過公私營合作模式，開放更多政府場地，由營辦商出資安裝設備同提供免費Wi-Fi，除咗更方便市民獲取即時資訊外，亦有助推動香港發展成為智慧城市。佢預計未來幾個月，4個營辦商會進一步將免費Wi-Fi推展至其他公園、公共交通交匯處同街市等。佢又話，喺𠵱家「Wi-Fi.HK」計劃下，已經約有50間機構參與，提供超過1.98萬個Wi-Fi熱點。
更多港聞
相關新聞
