【明報專訊】68歲嘅琵琶高手劉柏照，年幾前確診前列腺癌四期，屯門醫院資深護師見佢情緒低落，細問下發現佢鍾意琵琶，上月幫佢喺醫院搞咗個琵琶演奏會(圖)，吸引咗50名觀眾，屋企人都去撐場，佢話令佢覺得人間有情，亦「圓咗心願」。 劉柏照十幾歲就學琵琶，曾兩奪校際音樂節琵琶公開組冠軍，仲拎過校際中國樂器公開賽組總冠軍，其後去過英國倫敦等地觀摩，同埋喺國際藝術節表演。一年幾前佢確診患癌後，唔可以再返內地工作，屯門醫院資深護師黃莉明話柏照擔心影響家庭經濟，情緒低落，同佢傾偈時發現佢工作遇到辛酸都會彈琵琶，所以幫佢搞咗呢個演奏會。 屯門醫院臨牀腫瘤科副顧問醫生吳雲英話，就算癌症第四期，都希望病人有高質素生活，通過社交活動、發展嗜好令佢哋活得更開心更有意義。 (政府新聞網圖片)
|
| |
| |
;){kind=small}
;)
