屈穎妍呻學校唔敢搵佢做講座 娥姐鼓勵：你唔應該縮
[2017.07.21] 發表
【明報專訊】書展踏入第二日，專欄作家屈穎妍噚日就出席咗一個名為《回歸20年——香港浴火重生》嘅論壇。佢喺論壇上話，近日DQ事件，仲有《壹週刊》賣盤，都令人感到興奮，形容「小鳳姐成日都出場」。佢又呻學校覺得佢同共產黨有關，唔敢請佢去講座，喺台下聽講座嘅陳玉娥(娥姐)就舉手發言，鼓勵屈「唔應該縮埋」，引嚟全場掌聲。
屈穎妍話，近日《壹週刊》賣盤係好啟示，畀「黃絲」知道黎智英嘅真面目，批評佢為咗5億賣走「公義」。
佢又呻好多學校都驚咗佢，唔邀請佢去學校做講座，反而就有好多學校邀請民主黨前主席劉慧卿、香港眾志秘書長黃之鋒。娥姐之後就舉手問問題，連番大讚屈穎妍「好犀利」，「你(屈)唔應該縮埋」，學校唔畀入去，就更應該要入去搞講座。
更多港聞
【明報專訊】新一屆政府運作大半個月，司局級官員輪流與傳媒茶敘，噚日就輪到環境局長黃錦星。對於外界傳出副局長一職由環保署副署長謝展寰出任，黃錦...
詳情
【明報專訊】工聯會立法會議員陸頌雄噚日同老竇、黨友鄧家彪同埋抗日老兵潘江偉、梁平去睇抗日片，就係許鞍華執導嘅《明月幾時有》，電影講抗日時期東...
詳情
相關新聞
