「狗仔隊」點人數 建制派也不滿
[2017.05.27] 發表
【明報專訊】近年每當立法會審議重大法案時，政府都會派出俗稱「狗仔隊」嘅政府人員，睇實議員出入點算人數，由議員行出會議廳、離開立法會大樓等，每個議員行蹤都睇到實，防止投票「甩轆」，呢幾年似乎有變本加厲之勢，引起部分議員不滿。民主黨黨團早前就去信咗政務司長張建宗，要求政府交代「狗仔隊」涉及幾多公帑、人手等。
官員派數百臨時證 泛民促檢討
噚日行管會閉門開會，一班議員都有討論呢個議題，先發現原來立法會每年派數以百計嘅臨時證畀政府人員，有泛民委員就要求秘書處重新檢視呢個發證制度。Emily聽聞，會上連建制派委員都有微言，覺得「狗仔隊」氾濫，其實建制派仲慘過泛民，事關投票個陣捉佢哋捉得更加緊，確保政府夠票通過法例或議案。
行管會決定要求政府提供資料，包括政府掌握幾多議員資料、有咩人有權攞到，並且會保存呢啲資料幾耐時間等。民主黨議員就打算，收到政府解釋後，再研究做法會唔會違反私隱條例，係咪需要向私隱專員公署投訴。
更多港聞
【明報專訊】原來整一碟乾炒牛河需要消耗1238公升水，係香港人2015年每人每日用水量182公升近7倍！香港大學社會科學學院為咗鼓勵市民要多...
詳情
【明報專訊】民建聯周浩鼎早前退出立法會調查UGL專責委員會，以平息政治風波，立法會內委會噚日決定下周五喺內會提名同補選呢個空缺。獨立毛孟靜喺...
詳情
相關新聞
