囝囝Jazz靚仔樣曝光 蘇永康有子繼後香燈一個夠晒
【明報專訊】49歲的蘇永康自言「老來得子」，太太馮翠珊日前(20號)為他誕下重6.11磅兒子，由蘇媽媽改英文名Jazz，因蘇爸爸生前喜歡爵士音樂，老友陳奕迅更叫BB做「蘇爵士」。抱住BB流露父愛的蘇永康，笑指大家都關注BB是否和他一個餅印？曝光的照片中所見，BB鼻高嘴細是靚仔樣，蘇永康笑言：「BB似我就當然出現少少問題啦！」他稱當日入產房剪臍帶，感覺如拍《妙手仁心》，不緊張但開心。
娛樂組
蘇永康榮升爸爸，B仔重6.11磅，樣子靚仔又精靈得意，鼻高更嘴郁郁，難道遺傳父親音樂細胞，一出世便鍾意唱歌？蘇永康笑言大家都想知囝囝是否跟他如餅印，他幽默的說：「似我，就當然出現少少問題啦！很難講，長大之後，10多年後，可能似我才是靚仔呢？潮流會變。」
陳奕迅稱呼BB「蘇爵士」
B仔已改英文名Jazz So，蘇永康透露是其母親改的，因為他父親生前喜歡玩爵士音樂；現在母親抱孫，開心到見牙不見眼。而老友陳奕迅更叫BB做「蘇爵士」。他又讚囝囝腳頭好，各種用品如BB牀都有贊助，連洗奶樽機都有3部，他打算用兒子名義捐錢到慈善機構作回饋。一班好友就輪流到醫院探望，有如派對，徐濠縈抱起BB愛不釋手。
剪臍帶感覺似拍《妙手仁心》
蘇永康憶述太太作動當日黃昏，他陪伴入院待產，他還親自剪臍帶。他形容剪臍帶時並不緊張，覺得似拍劇集《妙手仁心》，自己一手拿電話，一手拿剪刀；護士指很多爸爸都要剪兩次才成功，他一刀剪落去就搞掂。他見到BB的右腳先出來，起初出來一至兩分鐘BB都沒有出聲，他就按醫生吩咐抱住BB又唱歌又替其按摩，可能兒子在肚內聽慣他的聲音，很快就面色紅潤，血色開始運行；現時亦是食飽就瞓，算是一個乖BB。細看照片，Jazz的頭部有一條半圓形深痕，據專業醫生分析，有可能是醫生用產鉗協助BB出世而造成，但預計不會造成影響。
起碼做多20年才計劃退休
他指今次經歷可謂一世難忘，自言已49歲故不打算再生BB，因為已有仔繼後香燈，只期望囝囝生性聽教聽話，健康快樂就夠。蘇永康表示自己原本打算做多5年逐步退休，現在有囝囝，就要做多起碼20年才可計劃退休。
任賢齊幫忙搵工作掙奶粉錢
他又稱要多謝經理人小柯封大利市給囝囝，小柯與任賢齊更跟他說，只要他說想搵幾多奶粉錢，他們就去幫蘇永康搵錢，令他很感激。
■更多娛樂猛料 ﹕ol.mingpao.com
袁偉豪底褲上陣出「股惑」 黃翠如：女同事大叫好白
【明報專訊】苗僑偉、宣萱、袁偉豪、黃翠如及周柏豪等，前晚出席無綫新劇《使徒行者2》煞科晚宴。袁偉豪在劇中不時曬肌，日前更被發現只穿孖煙囪上陣... 詳情
