港島20舖鐵閘畫出社區故事

港人熟悉嘅內衣服飾品牌「利工民」創立於1923年，其中一間門市位於灣仔莊士敦道。老闆馮先生同店員憶述歲月軼事，有已移民嘅顧客每次回港都嚟大舉掃貨；有一個員工曾於工展會奪得「工展小姐」寶座；有老顧客帶埋自己嘅第二代嚟購物，更笑言將來嘅壽衣都要著「利工民」。聽完故事後，藝術家黃志豪就喺鐵閘畫上其中一條著名產品線「金鹿」，與三代人手牽手圍圈，代表一份傳承及親情溫暖嘅感覺。（香港青年藝術協會提供）

西營盤豆品店「關興記」嘅老闆娘關太（右）能歌善舞，有「西營盤徐小鳳」之稱，藝術家麥嘉欣就喺鐵閘畫上老闆娘人像，令街坊見閘如見真人，洋溢社區溫暖人情。（香港青年藝術協會提供）

【明報專訊】港島區有20道原本唔顯眼嘅商舖鐵閘，經藝術家妙筆生花，變成一系列獨特而富人情味嘅鐵閘藝術，用畫展示店主、店舖同社區鄰里之間嘅小故事，並鼓勵珍惜每個人喺社區嘅貢獻。

作品分佈灣仔上環西營盤

6個本地藝術創作單位喺本地小店店主支持下，喺20間港島商舖嘅鐵閘畫畫。作品分佈喺灣仔、上環及西營盤，店舖類型包括茶餐廳、海味雜貨、山貨店、活板印刷、紮作製品、本地經典服裝、水族用品等。幫鐵閘上色大概需要6小時至數天，藝術家仲要落區同街坊及店主傾偈，了解區內小店特色，追溯佢哋過去經歷同故事。

店主亦會參與創作過程，一齊商議作品內容同風格，再由藝術家利用噴漆或油漆創作。例如西營盤豆品店「關興記」嘅老闆娘關太能歌善舞，好客健談，有「西營盤徐小鳳」之稱，所以藝術家麥嘉欣就喺鐵閘畫上老闆娘人像，令街坊見閘如見真人。

西營盤徐小鳳 見閘如見人

由香港青年藝術協會主辦嘅「城市閘誌」社區藝術先導計劃，以藝術創作記錄口述歷史及地區故事，5月會推出流動應用程式，可以隨時隨地查看20道鐵閘藝術作品所在地、小店簡介、4條主題導賞路線及本地文化小故事。

更多港聞

生態調查員 攀山涉水唔怕髒

【明報專訊】為咗研究本港野生動植物，漁護署原來設有生態調查員職位，工作係行遍全港蒐集生態資料，建立自然知識寶庫。漁護署二級農林督察黃光智做咗... 詳情

又多一人選特首 紀文珊倡建圓明園

【明報專訊】早幾日Emily同大家講過目前特首選戰激烈，近日再多兩個人加入混戰，其中一人叫紀文珊，佢今日會舉行記者會宣布參選。紀女士噚日向E... 詳情

史丹福教授﹕學數勿只求正確答案 不要死記解題法 應問方法何來

【明報專訊】美國史丹福大學於暑假舉辦為期兩星期的國際青年夏令營，供高中生參加，負責課程的史丹福大學暑期學院行政總監Rick Sommer指出... 詳情

要求正視學童自殺

【明報專訊】防止學生自殺民間聯席連同立法會議員張超雄（右三）和邵家臻（右四）等十多人昨在政府總部外請願，要求正視學生自殺問題。他們質疑防止學... 詳情

時事通識教材

【明報專訊】（請看附圖） 詳情