「15分鐘食飯 企住食」 藝術家登招聘廣告 籲關注勞工權益
[2017.01.11] 發表
【明報專訊】繼早前為快餐店收銀員爭取椅子供休息後，行為藝術家程展緯最近發現，有「唐記」包點店前線員工每日工作9小時，但只有15分鐘午膳時間，仲要「企住食」，所以程展緯喺報紙登廣告，希望社會關注事件。
嗰個廣告寫明係招聘包點售賣員，入職要求係「每天9小時工作、無休息時間、15分鐘食飯、企住食」。程展緯話早前問過一家唐記分店嘅職員，發現佢哋正正接受緊以上待遇。
程展緯話，「唐記」管理層前日知道呢件事，主動打畀佢解釋公司政策應該係「工作9小時的員工可獲30分鐘膳食時間及15分鐘休息時間，而工作10小時的員工，休息時間會比9小時工作的員工再長15分鐘」，員工待遇與程展緯描述嘅有出入，佢仲話唐記已承諾積極跟進。
點解政策會同前線員工待遇唔同？程展緯估計，事件反映咗好多公司嘅職安健方針唔夠清楚，又或者員工往往要落手做先知道。佢話從對話中感到對方誠懇，唐記亦早有計劃改善員工待遇，佢大讚唐記負責任，「(同)唐記管理人通電話後，覺得佢哋重視員工，交流真誠」。Emily噚日都致電唐記，但截稿前未有回覆。
更多港聞
受聘做行政 朝七晚九留校 夜夜伴苦讀 退休教師身教刻苦
【明報專訊】中學一般在下月舉行文憑試模擬試，有學校鼓勵學生堅毅應試之餘，亦在學生留校溫習期間派發茶葉蛋及湯水，有學校則開放至晚上9時供學生溫... 詳情
【明報專訊】現時約一成中學初中中史納入人文科或與世界歷史合併，教育局近日明言希望有關學校在該些科目以中史為主軸，形容做法類近以中史獨立成科。...
詳情
【明報專訊】根據考試及評核局資料，在2016年日校重考生中，分別有47.4%中文科及31%英文科考生，由原本不及格（未達三級）變為及格；分別...
詳情
相關新聞
