【明報專訊】民主黨一年一度黨慶，將會喺3月17日舉行晚宴，今年由於遲咗訂場，而且亦希望場地可以鬆動啲，晚宴會由尖沙嘴移師九龍灣舉行。 副主席羅健熙話，距離晚宴仲有一段時間，佢哋正準備緊邀請信，未知反應，今年黨慶日子與特首選舉即3月26日接近，唔知到時有乜嘢人到場，而佢哋仍會按照去年嘅原則，除咗特首梁振英、教育局長吳克儉同發展局長陳茂波外，所有問責官員都會邀請。舊年就係政制及內地事務局長譚志源代表政府官員赴會。 「元老」李華明欲交棒年輕人 今年另一大挑戰係，過去都係由「元老」李華明負責籌款，但李華明已經做咗幾年，今年佢同黨友講想交畀年輕人接手，初步由司庫袁海文負責籌備項目，咁今次食粥食飯，就要靠班後生仔。
|
| |
| |
;)
