吳克儉fb分享撐TSA短片惹「嬲嬲」

【明報專訊】教育局長吳克儉之前約見18區家長教師會聯會代表，之後引述聯會話贊成出年全港小三生考TSA(全港性系統評估)，同日見吳克儉嘅反對TSA家長團體就覺得反對聲音被漠視，噚日發起聯署，話18區家教會唔代表佢哋、要求取消小三TSA，仲要求吳克儉下台。

教育局回應話，新版TSA試行計劃有唔同背景嘅持份者參與，包括大學學者、辦學團體、學校議會、校長、教師同家長代表，教育局已致力透過多種渠道，包括問卷、講座及會面等，廣納唔同意見。家長係持份者之一，每間學校都有家長教師會，每區亦有家長教師會聯會，再加上家庭與學校合作事宜委員會，機制行之有效，佢哋嘅代表性不容否定。 教育局話，留意到有團體發起網上聯署，由於網上簽名人士嘅身分難以核實或驗證，參考性同代表性或者有局限，局方難以評論。

𠵱家兩邊陣營可謂鬥曬支持者，吳克儉噚日就繼續喺facebook分享為TSA而拍嘅《真人真事‧系列3》短片，由唔同學校嘅校長、教師、家長等分享面對優化版TSA嘅經驗，一班反對TSA嘅人當然湧去局長fb嬲嬲呢啲短片啦。

更多港聞

為上庭趕唔切提議 小麗遭墟市支持者抱怨

【明報專訊】聖誕元旦將至，立法會會期暫告一段落，不過今屆議員中，劉小麗可謂係當中嘅「黑仔王」，唔止官司纏身，又經常畀人發現「甩轆」，上個禮拜... 詳情

氣溫似過山車 溫暖過聖誕 下周跌至12℃

【明報專訊】踏入12月，香港已入冬，但呢幾日氣溫仍高企，噚日天文台最高錄得24.8℃，有如置身初夏。天文台9日天氣預報顯示，下周三、四氣溫跌... 詳情

馬時亨巡金鐘南港島線

【明報專訊】港鐵南港島線即將於下周三（28日）通車喇，港鐵正密鑼緊鼓做好通車最後準備。Emily噚日就撞到多名港鐵管理層，巡視金鐘站嘅南港島... 詳情