【明報專訊】喺立法會選舉中聲稱受威脅而棄選嘅自由黨成員周永勤，前日公開給予榮譽主席田北俊嘅信，話即時脫離自由黨，文中多番批評黨領導層；自由黨噚日召開黨團處理事件，並發出聲明，話周永勤嘅黨籍即時終止，又話周永勤最近對自由黨作出嘅虛構及不實言論，該黨保留追究權利。 周永勤前日喺facebook公開信件，不點名話新任行會成員透過中間人叫佢退黨，最近公開表態有意晉身全國政協嘅黨魁拒絕為佢嘅議員辦事處續約，指事件背後動機「路人皆見」。噚日佢又喺fb引述鍾國斌早前接受傳媒訪問，當時鍾話如果中央邀請佢任政協會考慮。 鍾國斌同Emily強調，自己從來無要求做政協，亦都無人話畀佢。對於周永勤指控佢拒絕為其辦事處續約，鍾國斌解釋，周永勤自從被威脅而棄選後，黨籍已被凍結，若以自由黨名義為對方辦事處續約並不合理，又指選舉後只喺常委會見過周永勤一次。
|
| |
| |
;)
