【明報專訊】溫拿樂隊與太極樂隊昨日到灣仔出席《純音樂live》發布會，宣布明年1月7日在亞博舉行，主角之一譚詠麟(阿倫)撐着拐杖出場，被彭健新取笑﹕「要不要扶呀老人家？」阿倫反爆健仔就今次開騷，對外為演出起名叫「溫拿耍太極」，鍾鎮濤說：「好彩不是起『溫太』，否則以為是教煮餸！」司儀鄭裕玲(嘟姐) 問太極可有擔心與溫拿同台演出被比下去？雷有暉搞講笑：「唔驚，一定比下去的，我們要出絕招、胡椒、青椒，乜都會出才可以。」 開一場太少 望出埠登台 太極談到能與溫拿一齊開騷非常興奮：「細細個就睇溫拿唱英文歌，他們是我們的啟蒙老師，大家討論唱曲名單，都想加入我們想聽溫拿唱的歌。以前我們開音樂會只想請溫拿做嘉賓，怎會想到可以合作開騷，但我們只是負責暖場，跟溫拿這隊傳奇學習。」他們也認為只開一場演出不夠喉，可惜檔期不容許加場。 阿倫說﹕「門票明日開賣，相信會火速宣布售罄，個個朋友都話要睇，搶得好勁，貴票內部認購已無晒。」阿B指收到很多人美加、內地主辦商邀請溫拿與太極一起出埠登台，希望可以傾成。 受腳傷的阿倫謂前晚於內地踢足球時被踭傷，終於用到爸爸遺留下來的龍拐杖：「隻腳一受力就腫到好似雞蛋，昨晚我去睇醫生敷藥後進展幾好，應該休息兩三日就會全速康復。」 健仔聞言笑稱﹕「推輪椅啦！」阿倫不諱言坐飛機回港時已坐輪椅。 記者﹕鍾一虹
|
| |
| |
;){kind=small}
;){kind=small}
;)
