批梁挑起港獨：無事煲到咁大

[2016.11.09] 發表

【明報專訊】石永泰認為港獨思潮乃由特首梁振英去年在施政報告「炒作」而展開，之前根本沒有人會在意，反而是「堂堂行政長官不斷single out(挑出)呢樣嘢」。他又說不少讀飽書的人只顧批評青政兩議員梁頌恆及游蕙禎的做法，甚至不介意以釋法去撤銷他們的議員資格，認為這些人只要後果不理過程，若令釋法變成恆常便不得了；即使人大釋法也解決不了市民「個心唔舒服」的問題，因為毛澤東也說過「世上沒有無緣無故的愛，也沒有無緣無故的恨」；釋法只會令市民覺得，中央因為香港法院判不到理想的裁決，才出此一着。

去年1月14日，梁振英突然在施政報告引言批評港大學生會刊物《學苑》主張香港「自立自決」，又狠批《學苑》前年2月的「香港民族命運自決」專題，9月更出版《香港民族論》一書，主張香港自立自決。日前，梁振英談到釋法時更稱回歸至今只釋法5次。

稱被梁弄得心癢買《民族論》看

石永泰說，其實問題是如何疏導這些思潮，「我哋做大律師，如果對手係無理據，但你仲走去大篇幅講，不但抬舉咗佢，仲將焦點聚咗去無嘢嗰度，咁無嘢都變有嘢」。他又說年輕人愈叫他們不要做，他們愈要做。他笑言當時他49歲，也被梁弄得心癢買了兩本他提及的書，書店更擺放在店門前，所以「點解佢哋(梁、游)有6萬票？邊個無事搞出事？」雖然他個人不支持梁頌恆及游蕙禎的行為，「如果要抗爭真係唔可以用佢哋來做英雄」，但亦要對他們公道些。

拔萃男書院早前有學生成立主張港獨的「男拔國是學會」，副校長曹家偉當時回應，「畀個平台佢哋噏吓，啲小朋友3分鐘熱度，噏完一輪了解咗……係一個學習過程」。石說看到這報道，認為「中學副校長對細路仔也可以有咁開明、make sense(理智)態度，作為領導人無事煲到咁大，仲要喺度賴人，唔係好負責任囉」。