劉小麗被掟鞋 保港運動：施襲者非成員

立法會議員劉小麗（右下角及小圖）噚日被《城市論壇》男觀眾掟波鞋（箭嘴示），工作人員應劉小麗要求報警，警員到場了解，但男觀眾當時已離開。（港台片段、鍾林枝攝）

留長白鬚嘅男人（中）噚日向劉小麗掟波鞋，隨即被職員拉離現場。（鍾林枝攝）

【明報專訊】港台節目《城市論壇》噚日喺維園舉行期間發生小插曲，話說喺節目廣告時段，論壇嘉賓、立法會議員劉小麗突然被台下一個頭戴「保衛香港運動」藍色帽嘅男觀眾掟鞋，劉小麗左手同心口被擊中。同場出席論壇嘅組織發起人傅振中，節目後迅速「割蓆」，否認男觀眾係組織成員，聲稱對方係上星期「新相識嘅朋友」， 組織「唔知、無計劃」掟鞋咁話。

左手心口中招 小麗譴責

男觀眾掟鞋後，隨即被現場職員拉離現場，職員應劉小麗要求報警，警員到場了解情况，但男觀眾當時已經離開。劉小麗節目後譴責掟鞋行為，形容對方掟鞋用力唔細，自己唔係好傷但都感到痛楚，批評「有啲口口聲聲話反暴力嘅組織，其實正正係暴力嘅始作俑者」。劉小麗其後登上救護車送院驗傷。

傅振中就強調，呢個男觀眾未有填寫入會表格，又話自己睇唔到隻鞋接觸到劉小麗。咁點解男觀眾會戴住「保衛香港運動」嘅帽呢？佢就話「好多朋友支持政府我都畀(帽)」。

警方話，噚日下晝接到維園有涉襲擊報案，傷者清醒送往律敦治醫院。

更多港聞

《基本法》長伴魯平骨灰龕

【明報專訊】全國港澳研究會會長陳佐洱喺《紫荊雜誌》撰文，緬懷國務院港澳辦前主任魯平（小圖）生前負責制定《基本法》時嘅點滴。陳佐洱話，魯平「生... 詳情

「蕩婦遊行」促查康橋事件

【明報專訊】近百人噚日參與「香港蕩婦遊行（SlutWalk）」，要求捍衛女性權益，以及保障殘疾院舍人士免受性侵嘅基本權益。有參與女士憶述，曾... 詳情

讀障助學障 重拾校園樂

【明報專訊】對好多人嚟講，校園生活係快樂回憶，但對於有學習障礙嘅同學仔並非必然。Emily噚日出席展能學童獎學金頒獎禮，呢個獎係表揚學障同學... 詳情

港大新課程育私銀人才 學資產管理 收生高如醫科

【明報專訊】香港大學明年9月開設亞洲首個私人銀行及財富管理本科課程，定位為「精英課程」，首屆僅取錄20人，預計最低取錄分數為文憑試6科32分... 詳情

半數中史教師指課程修訂反效果

【明報專訊】初中中史課程修訂諮詢今日結束，教協成功訪問178名中史科教師及主任，僅6%受訪者認為，整體而言修訂建議對中史教學有幫助，半數人則... 詳情