張國鈞錯講劍「弩」拔「張」 網民：接棒樹根

《城市論壇》小休後重開，節目開始前，出席嘉賓李梓敬（左起）、朱凱廸、主持人蘇敬恆、鄺俊宇及張國鈞齊齊舉起紅色氣球，提醒大家論壇轉咗去港台31直播。（蘇智鑫攝）

【明報專訊】港台新一季《城市論壇》噚日喺維園舉行啟播禮，節目一改36年來喺無綫翡翠台播放嘅慣例，觀眾以後每逢周日12點，只能喺港台電視31同31A台睇直播。港台噚日「開壇」前特別派發有「RTHK31」字樣嘅朱古力，主持人同嘉賓又手持「RTHK31」嘅紅色氣球，高呼「只在31台」口號以提醒市民收睇節目。

噚日嘅嘉賓有立法會「新丁」，當中民主黨超區議員鄺俊宇「惹火」，台下有民建聯人士提到泛民棄選，質疑鄺俊宇係「呃咗49萬票」；鄺俊宇就話，對方可以侮辱鄺俊宇，但唔應該侮辱投票嘅選民，要求佢道歉。同場嘅民建聯議員張國鈞之後解畫，提到選舉期間大家會「劍『弩』拔『張』」， 但未來同鄺俊宇係同事，希望喺唔同議題有得傾。佢錯將「劍拔弩張」講成「劍弩拔張」，畀網民話佢為鍾樹根接棒。另外，論壇亦有候任議員朱凱廸、自由黨青年團主席李梓敬做嘉賓。

鄺俊宇1小時「分身」兩論壇

至於無綫，《城壇》嘅同時段重播舊有綜藝節目，但早上11點就有自家製嘅《周日龍門陣》。節目噚日湊巧又有鄺俊宇，同另一當選超區嘅民建聯周浩鼎同場辯論，當中提及棄選風波。鄺俊宇話﹕「咁耐以嚟，選舉最大茅波都係建制派嘅……」周浩鼎反駁﹕「嘩，重大得過集體棄選？真係集體打茅波喎！」

更多港聞

財爺見識中亞「一國兩制」

【明報專訊】財政司長曾俊華上星期率團去咗哈薩克斯坦訪問考察，香港人對呢個中亞大國嘅認識比較少，財爺話最難忘係參觀當地納紥爾巴耶夫大學（Naz... 詳情

傑哥別議會 盼選委會可撥亂反正

【明報專訊】公民黨梁家傑（圖）嘅議員任期即將結束，傑哥噚日最後一次以公民黨黨魁身分，出席港台《香港家書》節目。行將離別，傑哥滿是感慨，但唔係... 詳情

教材附簡明文化研究示範 浸大助中學通識研流行文化

【明報專訊】中學通識科學生須完成獨立專題探究，有教師指學生喜歡選擇流行文化為研究主題，但缺乏研究方法，教師也不知應如何指導。浸會大學的通識獨... 詳情

中大「創意培育」展覽 作品網上拍賣籌款

【明報專訊】中文大學文物館館友會今日起至10月7日假中環交易廣場中央大廳舉行名為「創意培育」的展覽暨網上慈善拍賣，展出中大藝術系畢業生及大師... 詳情

時事通識教材

【明報專訊】（請看附圖） 詳情