【明報專訊】Emily收到風，上星期五屯門交通及運輸委員會提早結束會議，原因竟然係議員要去中電新春午宴，事件仲被貼上fb𠻹。 當日有去開會嘅民協屯門區議員楊智恒同Emily講，會議原定討論當區巴士路線計劃同其餘18項議程，早前一班議員已收到中電飯局嘅邀請，不過就撞正開會日子，而開會時就聽到委員會主席蘇炤成話，因為有8個議員下晝要出席政府簡介會，所以會議會提早結束，下次開會再續，至於有排傾嘅巴士重組計劃就另開特別小組會討論。 蘇炤成：當日無人反對 不過，Emily聽講簡介會係下晝3點，而主席要求12點結束會議，原來係為班議員要去中電飯局，最後會議喺11點幾就結束。 Emily向蘇炤成求證，唔開會去食飯會唔會有損公眾利益，蘇承認自己有去飯局，但唔開會唔係自己一個嘅主張，事前有同一班議員傾過，話好多議員都應承咗中電，覺得只爭5個議程未傾，「其他都唔係好重要」，仲話下次再傾嗰啲議程只係押後兩個星期，「對會議影響唔大、影響唔大」。佢話當日提出要提早結束會議，無人反對，又覺得如果最終因為人數不足，搞到要流會，市民睇到觀感仲差，仲提醒Emily睇吓「立法會亂好多」。
|
| |
| |
;){kind=small}
;)
