廉署辦標語創作賽 向政府部門偷師
[2015.12.07] 發表
【明報專訊】有逾40年歷史嘅廉政公署(ICAC)首次舉辦「標語及標記創作比賽」，等大家可以一人一句撐廉潔，只要字數唔超過30字(唔包括標點符號)，中英文都可以；至於標記就無限制，可以包括任何形式嘅設計或人物造型。
唔少部門多年來都有搞標語比賽，Emily好奇點解廉署到今年先搞，又唔搞吓短片比賽。廉署社區關係處助理處長(署理)陳潔雲話呢類比賽門檻低，男女老少都可以參加，仲話設計比賽時有向其他政府部門取經。至於會唔會好似警隊咁開facebook？佢話由於涉及廉署所有部門，所以要另外討論吓。
有興趣嘅市民可以喺今個月9號至出年2月15號期間遞交作品，贏咗除咗有獎狀、紀念品之外，作品更有機會獲廉署採用。想了解更多詳情可以瀏覽網站(www.icac.org.hk/icac/slogan)。
更多港聞
從「波子迷宮」找靈感 中大生寫App助活躍症童奪冠
【明報專訊】唔少人覺得「打機」令細路仔分心，不過最近一班大專生參加咗協康會同三星合辦嘅比賽，研發手機App畀患有專注力失調及過度活躍症（AD... 詳情
【明報專訊】為咗響應環保，好多市民都會自備水樽，減少用塑膠樽，公民黨就喺9月用電話訪問咗1148名市民，有33%受訪者每日都會自己帶水樽外出...
詳情
浸大民主牆粗口解禁 學生會：更暢所欲言 校方：冒犯師生
【明報專訊】本港八大院校均設有民主牆，並明文禁止發表意見時使用粗言穢語或淫褻字眼，負責管理民主牆的浸會大學學生會早前決定刪去「稿件不得帶有粗... 詳情相關新聞
