CY停車睇國旗 新聞處認寫錯

特首梁振英返港後，前日喺網誌刊出相片，文章題為〈中英國旗〉，話路過近白金漢宮嘅The Mall，「掛滿了大幅大幅的中英兩國國旗」。（特首網誌圖片）

【明報專訊】特首梁振英(CY)上周訪問英國，出席工商界午餐會時遲到幾分鐘，當日CY喺午餐會上以英文解釋，車隊路過接近白金漢宮嘅The Mall，發現林蔭大道上掛滿咗國旗(新聞處最初文本為Our country's flags were brilliantly displayed along The Mall)，所以停車觀看，因而遲到。但其後CY喺行政長官網誌重提事件時，有關描述係「林蔭大道上掛滿了大幅大幅的中英兩國國旗」，點解會咁呢？

特首網誌：掛滿中英兩國國旗

Emily喺報館流程睇到嘅政府新聞處，於10月16日(上周五)晚上11點57分發放CY嘅午餐會英文演辭，只提中國國旗(country's flags)，但市民喺網上睇政府新聞處網頁嘅版本，卻係「Our countries' flags」，變成多於一個國家，網上版與CY網誌嘅說法較脗合，究竟邊個版本先係真？

countries' 定 country's?

政府新聞處向Emily解釋，一般而言，新聞稿若有重要資料修正，會向傳媒另行發出經修正嘅版本，但若屬簡單修正、手民之誤情况，就只會修正網上版本。針對10月16日特首演辭，新聞處人員寫錯為「country's flags」 ，為正確表達特首嘅發言，已喺網上修正為countries' flags。

更多港聞

民建聯圓桌會 請阿松做嘉賓

【明報專訊】民建聯嚟緊一個月將會舉行3場「圓桌會議」，探討宏觀經濟、房屋、醫療同福利政策，請嚟唔少政商界人物做嘉賓，包括有傳係下任特首熱門人... 詳情

赤柱將設生活館 介紹南區漁業

【明報專訊】相信大家都知香港曾經係一個漁港，漁業盛極一時，香港仔嘅漁業發展更加係歷史悠久。香港大學「同行計劃」將於下年3月喺赤柱社區會堂舉辦... 詳情

經民聯拉隊搵蘇錦樑

【明報專訊】經民聯上個月提出讓2000萬名持有電子護照嘅內地人可以透過網上申請嚟香港，簽注由內地公安簽發，仲未成功爭取到。佢哋亦好積極跟進，... 詳情

科大EMBA守全球第二 中大港大列百強排名皆跌

【明報專訊】英國《金融時報》昨公布2015年行政人員工商管理碩士課程（EMBA）全球百強排名榜，首位由清華大學與歐洲工商管理學院（Insea... 詳情

拒玩水戰 中大4000新生綠色迎新

【明報專訊】中文大學今年再度推行「環保迎新營贊助計劃」，並於日前頒發了「最綠迎新營大獎」予成功履行最多計劃內綠色措施的中國語言及文學系系會迎... 詳情