提舞麒麟 翁靜晶讚葉劉好身手
[2015.10.19] 發表
【明報專訊】香港文化節噚日舉辦「客家麒麟及功夫文化耀香江」，提起麒麟，唔少讀者可能會諗起新民黨主席葉劉淑儀年初喺車公廟被麒麟撞飛嘅一幕；其實舞麒麟已列入國家級非物質文化遺產，噚日呢個活動都有舞麒麟競賽，好彩無發生意外。
文化節除咗官員出席外，連劉家良導演慈善基金會創辦人翁靜晶亦有到場，近日定慧寺風波令翁靜晶成為焦點，但佢就唔回應，反而主動提及舞麒麟，話舞麒麟今年初風頭一時無倆，形容葉太當日被麒麟撞到，佢話自己都有睇過段片，「葉劉基本上喺飛咗出去的，即係彈咗出去，但又無事喎，我相信佢做過保安局局長，都身手不凡呀，有番兩度散手，我更加留意佢，唔知係唔係學過功夫」。
更多港聞
【明報專訊】教育學院特殊學習需要與融合教育中心助理項目經理呂梓良指出，除學習障礙外，過度活躍症（ADHD）學生在行為上也容易出現問題，給人「...
詳情
相關新聞
