何君堯兩呼嶺大「嶺南學院」
[2015.10.19] 發表
【明報專訊】律師會前會長、新界關注大聯盟發言人何君堯(右)早前成為嶺南大學校董，但就連校名都讀錯！佢噚日出席《城市論壇》，發言時兩次將嶺南大學講咗「嶺南學院」，被網民笑佢不如返嶺南學院做校董，而該校喺1970年代真係叫做嶺南學院㗎。
早前同佢喺電台節目「隔空對罵」嘅嶺大學生會會長劉振琳(左)噚日都有出席論壇，二人仲「世紀握手」。但唔好以為佢哋冰釋前嫌，當劉同學要求何承諾會維護院校學術自由時，何就話「唔會開空頭支票」，因為有人會以保護院校自主而做「為非作歹」嘅事，叫學生唔好咁天真喎。何君堯又話自己有做慈善同教育工作，「對教育不遺餘力」，指學生未了解過佢就反對，係違反學術求真精神。
更多港聞
【明報專訊】教育學院特殊學習需要與融合教育中心助理項目經理呂梓良指出，除學習障礙外，過度活躍症（ADHD）學生在行為上也容易出現問題，給人「...
詳情
相關新聞
