張繼聰願畀謝安琪「食」住 放低女尊男卑包袱
【明報專訊】張繼聰婚後事業被「天后」老婆謝安琪(Kay)拋離，多年來飽受女尊男卑的壓力，直至近來在視壇發展漸見起色，才慢慢放低包袱，豁然開朗。回望過去，他經歷辛酸，也有得着，學識憐憫之心，對人不再寸嘴、刻薄。形象入屋，收入穩定，今期人氣蓋過Kay，張繼聰卻輕鬆應對，他讚老婆又叻，婆媳相處又好，確實不容易，直言：「我願意畀她『食』住！」不過適當時候，他也會企出來，已育有一子的他希望再生小孩時，獨力養起全家，讓老婆安心湊仔。
曾情緒崩潰患抑鬱
曾經被踩與老婆謝安琪地位懸殊的張繼聰，加入無綫耕耘數年，最近終於在劇集《收規華》以及處境劇《愛•回家》裏，升呢做第一男主角，事業邁進一步，他反應冷靜：「我無想過做任何事去證明自己，或要人改觀，開工單純抱住玩的心態，我先發揮到，想太多幫不到做戲。」他難忘是非最多時，價值觀出了問題， 試過情緒崩潰患抑鬱，連自己也覺得「我真係好廢」。他用了半年時間才想通：「我好辛苦才在別人的想法走出來，一去想，好快跌返入以前」 。
經歷人情冷暖學識憐憫
談到今期人氣蓋過Kay，張繼聰嘴角掀一掀，笑容輕鬆：「仲有人講，但我已不介意，好笑！她不唱歌，有人就說她帶挈我拍劇，到她去拍劇又說是我帶挈她。打開微博好多人支持《收規華》，亦都有人話『咁嘅人都做主角，唔係嘛！』我聽完兩三秒就算。」
說到底，他還是感恩經歷讓他有所得着，「對我來講，沒什麼烏氣要吐，如果我廿幾歲就行得好順，不會經歷那麼多人情冷暖，知道好多事不容易。我細個好寸嘴，但試過被人講，就不會再對人刻薄，學識憐憫，好似拍劇做軟飯王，拿自己開玩笑，無傷害任何人。」
演員更替如新陳代謝
無綫爆小生、花旦逃亡潮，張繼聰因而有機會上位，冷手執個熱煎堆，他認為演員更替如同新陳代謝，「每個地方都有，以前做觀眾睇劉德華、劉青雲，到他們拍電影，就睇古天樂、羅家良，又走，就睇林峯、吳卓羲、黃宗澤，好正常。我記得前輩的訪問，話做𡃁仔時被人話不及四哥(謝賢)，每代永遠有人講，有無好好把握，靠自己。我好幸運，入無綫三、四年得到大家信任。」
因為形象開始入屋，張繼聰坦認近幾年的工作，比起做歌手時多，而且收入穩定、有錢剩，「我負責搵錢交畀老婆，我老婆好叻，投資有心得，跟我屋企人住，婆媳相處又好，真的不容易！我願意畀她『食』住，但適當時候，做男人都會企出來。」
計劃再生B 養起全家
他透露待Kay完成明年音樂會，有計劃再生孩子，到時自己養起全家，等老婆安心湊仔：「女士生BB要付出好多，要休息多一點，除非她想做。其實生仔生女我也喜歡，最緊要健康，想小孩一齊成長，學識分享。」
不反對囝囝將來入行
提起8歲大兒子張瞻喜歡踢波，有志做足球員， 張繼聰笑說：「他說不想拍戲，我舒一口氣，驚小朋友拍戲辛苦，我不反對他將來入行，最重要他開心，我無要求子女成才，成不成才都是我個仔。」
記者：鍾一虹
■更多娛樂猛料 ﹕ol.mingpao.com
