卿姐宴謝志峰蘇敬恒 高規格過請馮巍
[2015.09.19] 發表
【明報專訊】民主黨主席劉慧卿喺港台節目《城市論壇》，口快快叫咗新主持蘇敬恒做「傻仔」而鬧出小風波，噚日卿姐補鑊，高規格宴請節目監製謝志峰同蘇敬恆，仲有一眾記者朋友。何謂高規格？之前民主黨請港澳辦副主任馮巍食飯，都係去一間酒樓嘅板間房食，噚日卿姐喺酒樓包起一間大房宴請記者，仲親自點菜。卿姐一到場仲乖仔、乖女咁稱呼記者𠻹。
卿姐叫蘇敬恒做「傻仔」嘅片段，喺網上有過百萬點擊率，在座眾人都笑住話要多啲請卿姐上城市論壇。面對記者各種尖銳問題，卿姐有時都會唔客氣反駁記者，卿姐笑言係因為有時記者提問都「幾挑釁」。
卿姐係城市論壇常客，謝志峰慨嘆請建制派人士出席節目就無咁易，佢話，新民黨主席葉劉淑儀上任行政會議成員後曾經同佢講過，話今時今日唔會再上城市論壇。
更多港聞
【明報專訊】工作假期（working holiday）計劃近年深受年輕人歡迎，至今已經有10個地區畀香港青年揀，除咗澳洲、日本等熱門地點，仲...
詳情
相關新聞
