僅存人力車伕 靠收貼士掙錢

洪伯係香港僅存嘅人力車車伕，但近年行業衰落已甚少拉車，主要放喺山頂畀遊人影相收貼士錢，及以租車等維生。（黃志東攝）

【明報專訊】人力車從前係達官貴人嘅代步工具，經過100多年後，拉人力車已步入夕陽行業，目前香港只有3個人力車牌，持牌嘅車伕中，一個已離世，另一個已經80歲，無力拉車，碩果僅存嘅只有年逾七旬嘅洪伯。

曾有團體租車 疑搶遊行者路

洪伯噚日現身德福廣場懷舊展，佢話九七回歸前生意旺盛，一日最多賺1000幾蚊，但近年已經甚少擺檔接生客，主要係喺山頂「擺喺度畀人影相收貼士錢」，仲有靠電話預約接生意，多間酒店同商場向佢租車。洪伯有4架人力車，之前發生大型示威活動時，甚至有團體聯絡佢以2800蚊日租人力車，「佢哋租咗我所有人力車，放喺維園搶遊行同靜坐客嘅路」。

為咗幫補家計，洪伯亦會整車同做替工，被問及會繼續做幾耐，洪伯話「我都唔知呀，呢啲嘢好難講」，佢嘅人力車牌照可由家族承傳，但子侄都唔願意入行，洪伯嘆道﹕「呢一行𠵱家仲慘過SARS嗰陣。」德福廣場現正舉行3D立體畫展，展出7幅懷舊場景，包括舊啟德機場、人力車及上海理髮店等，展期即日起至8月30日。

更多港聞

幸福醫藥抽葉太水 上載「Eric照肺相」

【明報專訊】新民黨主席葉劉淑儀嘅facebook專頁早前上載大腸檢查圖但誤泄自己嘅身分證號碼，之後專頁管理員Eric Chan發帖話出現嚴重... 詳情

港大校友組織鬥搶票

【明報專訊】香港大學下月1號召開畢業生議會特別大會，會員將就幾個動議投票，包括由校友關注組提出嘅30天內確認副校長任命，同埋另一班校友提出嘅... 詳情

港珠澳橋可如期完工？ CY未答

【明報專訊】特首梁振英61歲生日期間訪問珠海，與珠海市委書記李嘉會面，雖然無論香港同內地官員都曾經話港珠澳大橋難以喺2016年底建成，但李嘉... 詳情