執錢清潔工：其他人未被捕好彩囉
[2015.08.11] 發表
【明報專訊】去年平安夜解款車跌出3500萬元現鈔案，不少市民在馬路上不顧危險執錢，當中不少人拾遺不報被捕。執走8000元的清潔工鍾英傑，早前被判入獄1個月、緩刑18個月，對於另一名執50萬工程師昨被判社會服務令，鍾未有不忿，只慨嘆自己「唔係嘉誠哥(李嘉誠)嘅細佬，每人都有夢想，我個夢想只係換部靚啲嘅電話」。對於有些執錢的人未有落網，鍾表示﹕「佢哋好彩囉！」
「我個夢想只係換部靚啲手機」
68歲的鍾英傑表示，當時與同事在公司樓下偷懶食煙，忽然有人手拿兩捆鈔票，大叫「我收工喇，我唔做喇！」他轉眼見馬路上多人執錢，便「隨手嗱咗兩次」，直認貪心，「我都係人，有啲靚女為咗執錢連儀態都唔顧」。
當日有人拿兩捆錢大叫「我唔做喇」
鍾在撿走鈔票翌日買了部6000元的新手機，其後有同事向他展示相片，發現被閉路電視拍下撿錢，自知當時身穿制服「走唔甩」，遂往警署自首並交還用剩的2000元。鍾後悔因一時貪念撿走鈔票，「我自己唔缺錢，退休金加埋都有幾十萬」。鍾談起20多歲與朋友開珠寶加工廠，月入2萬元，風光一時，「嗰時去九龍公園，我喺重慶大廈都專搭的士兜個圈去」。其後朋友夾帶私逃，公司倒閉，鍾為生計才轉做清潔，嘆說當日抵受不住劇變，「拎住個地拖喺馬路中心喊」。
鍾的一生大起大落，17歲曾因偷竊被判入教導所，如今年近70又再因偷竊被判緩刑，他說並沒因此感到唏噓，笑言經歷多，「𠵱家面皮厚過大笨象」。
實習記者 王丹麟 明報記者 賴俊傑
更多港聞
「兩大」尖子科收生分跌 港大囊括狀元 文憑試考生少5500人競爭減
【明報專訊】聯招（JUPAS）昨日放榜，今屆文憑試考生（包括日校學生及自修生）較去年少5500人，大學學額競爭紓緩，香港大學及中文大學不少尖... 詳情
相關新聞
