呂麗紅校長寄語家長﹕教好孩子 孩子好教
[2015.07.20] 發表
【明報專訊】廉政公署第二年喺書展嘅「兒童天地」展區設置攤位，向小朋友介紹廉潔嘅重要。廉政專員白韞六同《五個小孩的校長》真人版呂麗紅校長噚日一齊去攤位參觀，仲講咗一啲關於廉潔嘅故事畀小朋友聽。呂校長大受小朋友歡迎，幾十個細路仔爭住上台同佢一齊坐、聽故事。
呂校長向在座家長語重心長咁話，作為家長一定要以身作則，注意自己嘅言行舉止，「教好孩子，孩子好教」。
白專員亦向家長表示，望子成龍係每個家長心中希望，但做任何事都要守法，提醒大家要注意送禮畀教職員嘅做法。白專員亦向在場小朋友講故事，話廉署曾經收過舉報，話有大學生以1萬元現金利誘教授提供考試貼士，又有中學生「請槍」考試，呼籲小朋友千萬唔好學呀。
更多港聞
【明報專訊】網絡世界，大家一樣要小心「財物」安全！早年社運中人、現多撰寫旅遊文章嘅林輝，噚日喺facebook貼文話，佢分享旅遊資訊嘅fac...
詳情
相關新聞
