狄志遠擬退休：唔係去做官
[2015.02.09] 發表
【明報專訊】民主黨員狄志遠(阿狄)早前發表言論，話民調反映唔少人支持政改「袋住先」，結果被黨友李永達狠批「可能想造(做)官？」Emily日前見到阿狄，佢話計劃今年9月提早退休，但講明唔係如李永達所講去做官，亦唔係受聘公營機構，而係另有人生大計。
阿狄?家任職基督教香港信義會社會服務部，自爆56歲嘅佢計劃今年退休，發展人生事業。佢滿腹大計咁話想開畫展，同埋出一本關於香港風情嘅攝影集。
從零學起 盼開畫展出影集
不過，Emily訝異嘅係佢無學過畫畫，退休後先去學！阿狄自覺有少少天分，見到靚嘅建築，會拎起水筆素描輪廓。至於出攝影集，佢話自己亦唔識影相，只係覺得香港好多地方好靚，影像應該保留，所以諗住學埋影相，先可以出影集！所以阿狄話退休唔係去做官，黨友們唔使諗咁多喇。
更多港聞
【明報專訊】港視開台以來劇集備受注目，唔少人專登買電視機頂盒煲劇，但港視個電視程式並唔支援點播，始終唔係咁方便。港視噚日宣布，現有嘅電視機頂...
詳情
【明報專訊】民主黨今個月27號舉行20周年黨慶兼籌款晚宴，記得前年搞時，政務司長林鄭月娥、財政司長曾俊華等高官都畀面到賀，但今年就傳出梁班子...
詳情
相關新聞
