港大候選內閣會長 認外公共產黨高幹
[2015.02.07] 發表
【明報專訊】近期風波不斷嘅港大學生會選舉，噚日最後一場中央諮詢大會火花四濺。其中候選內閣「明峯」會長馮敬恩畀台下會眾「爆大鑊」，問佢外公係咪共產黨員高幹，佢親口承認，話外公?家住喺北京，但家人背景唔會左右佢嘅政治立場，父母同家姐都無政治背景，強調無隱瞞，只係之前一直無人提出先無交代。
之後台下要求所有候選人都要表明政治背景，無謂再捕風捉影之際，另一候選內閣Smarties嘅候選會長彭卓棋就突然話台下會眾係「建制派」，大叫「你哋知我政治背景㗎」，講完即刻帶着大部分內閣成員離席抗議，仲一邊走一邊指住台下會眾鬧人，引起嘩然，結果得番早前畀人質疑係「紅底」嘅候選康樂秘書叶璐珊一個留低。
更多港聞
相關新聞
