何俊賢黃容根邊個似漁民？

[2015.01.24] 發表

【明報專訊】何俊賢：漁民都有靚仔

政府之前將排喺創科局前嘅4項議程抽走，噚日立法會財會開波審議漁業貸款、創新及科技局(創科局)撥款申請。多個泛民政黨明言會拉布，立法會漁農界議員何俊賢喺財會話，好多漁民更借貸度日，叫泛民議員「玩還玩，唔好玩呢個」，如果唔係，分分鐘會涉及破產和人命，令香港多一宗慘劇。不過，何俊賢就被議員質疑佢係咪代表漁農界。

政府抽起嘅4項議程，其中兩項關於科技教育，其餘兩項係買水警輪同消防車，社民連主席梁國雄話，何俊賢「清靚白淨」又後生，雙手無起繭，身上仲不時有陣古龍水味，同上屆漁農界議員黃容根相比，一啲都唔似漁民，仲叫何俊賢身為後生仔，應該為學生講吓嘢，反對政府抽起議程。不過何俊賢就話，?家捕魚科技先進，唔使日晒雨淋，仲話有好多後生仔捕魚，「靚仔過我都有」喎！

更多港聞

李文俊鼓勵囝囝參加青少年軍

【明報專訊】一直致力發展青少年事務嘅「百仁基金」噚日舉行董事局就職典禮，主席李文俊（圖左）被問到會唔會叫自己嘅小朋友參加新成立嘅「香港青少年... 詳情

警隊檢討佔領或引入新手套

【明報專訊】上年佔領期間，警方曾經動用催淚彈、警棍甚至警犬，可謂「人力物力」盡出，令市民「大開眼界」。但喺旺角佔領區清場嗰幾日，曾因有警員戴... 詳情