亞視《把酒當歌》係咪用真酒？
[2015.01.02] 發表
【明報專訊】亞洲電視噚日起縮減新聞時段，由亞視高級副總裁劉瀾昌主持嘅議政節目《把酒當歌》播完「存貨」亦會暫講拜拜。《把酒當歌》每集有個招牌結尾，就係由主持同嘉賓一齊碰杯，咁究竟杯中物係真定係假？
公民黨主席余若薇噚日同Emily講，佢有一次上《把酒當歌》飲紅酒，但杯「酒」無咩酒味，唔似真酒，似溝出嚟多啲。不過，上過幾次節目嘅公民黨黨魁梁家傑就力證，《把酒當歌》節目用酒，不論係紅酒定XO都係真酒，就連月餅都係真，但傑哥話佢去做嘉賓時都唔會多飲，仲講笑咁問唔知係咪亞視畀錢買酒，搞到無得出糧畀員工。
更多港聞
相關新聞
