任總愛將喬遷 唐唐包全場白酒
[2014.12.12] 發表
【明報專訊】跟隨前金融管理局總裁任志剛多年、任總嘅愛將陳民傑(Thomas)兩年前自己開咗圓通財經公關公司，最近辦公室喬遷到灣仔分域街，噚日舉行儀式。Thomas出名人緣好，噚日大批財經記者、全國政協常委戴德豐，同埋佢兩個大客任總同埋前政務司長唐英年，都畀面到場，人多到企滿晒成個辦公室，全場白酒就由唐唐送出。
唐唐份人好細心，除咗送白酒，亦向Thomas溫馨提示，提佢雖然搬咗辦公室，但係唔好將印咗舊地址嘅信封等文具丟咗，用貼紙改番新地址就ok，咁做可以環保啲喎。
更多港聞
【明報專訊】佔領行動雖告一段落，但旅發局原本喺嚟緊嘅周末舉行嘅「香港單車賽」因早前嘅延遲決定都返唔到轉頭，成個活動要推遲到2015年秋季。E...
詳情
相關新聞
