【明報專訊】香港人口老化，「銀髮族」市場真係商機處處，百足咁多爪嘅「公職王」陳智思，最近都斥資近2億元，喺上環開咗間健體中心「永健坊」，講明針對50歲以上嘅中上階層人士，每個月畀1800蚊就可以任用中心嘅健身器材、參加興趣班同健康講座等等；不過一向有做開運動嘅陳智思話，應該唔會去中心做Gym，擔心自己個標準太高，但就可能喺國畫班、太極班搵到佢嘅身影。 靈感來自留美侄女 「永健坊」嘅概念來自陳智思個侄女陳曉鈴，去過美國讀書嘅佢，見到當地老人設施好似「五星級酒店」咁，對比香港嘅老人院有種鬱悶感好唔同；而身兼行會成員嘅亞洲金融總裁陳智思，眼見?家唔少老人服務主要照顧低下階層，又唔夠全面同一站式，結果就同意成立呢間中心。 有國畫太極瑜伽興趣班 健體中心樓高3層，入面嘅健身器材都係為50歲以上人士而設，例如地板較為防滑、鍛煉肌肉嘅器材可以多角度調校等，又有課室可以開國畫、太極、瑜伽同跳舞等興趣班，仲有物理治療設施同健康餐廳，中心同時可以容納百幾人。 陳智思話希望2至3年達到收支平衡，仲有3個月就50歲嘅佢就話自己一向有運動，擔心其他人以自己做標準咁話，所以唔會落嚟健身喇。
|
| |
| |
;){kind=small}
;)
