【明報專訊】每年一度嘅「渣打香港馬拉松」將會喺出年1月25舉行，相信唔少跑手都「蓄勢待發」準備挑戰，其中全馬組別會率先喺聽日(16日)朝早7點接受報名，而半馬拉松、10公里同輪椅組別嘅報名日期，就會分階段喺星期五、下星期二(23日)同下星期五(26日)開始。按照以往經驗，相信班參賽者喺正式競賽前，就要先於網上嚟一場較量，鬥快報名。

今次係第19屆渣馬，全馬組別名額增加至1.5萬個，整體參賽名額有7.3萬個，打破歷屆紀錄。跑手可以喺大會網頁www.hkmarathon.com實時登記同確認，名額先到先得，報名費300蚊，詳情可透過網頁或致電2577 0800查詢。