【明報專訊】博訊新聞網噚日刊登文章引述「爆料人」話，相當部分加入學民嘅學生都唔係為關心社會，而係為「把妹更容易」。文章又引「母親的抉擇」統計指至今年8月，學民至少已有數十名女生懷孕。母親的抉擇發言人回應話，佢哋從未作出報道中嘅評論，亦無任何與學民思潮有關嘅資料。學民思潮發言人周庭亦澄清絕無此事，形容報道明顯係抹黑，高呼報道好恐怖。而至晚上，該文章已被刪去。 以〈學民思潮多名女生未婚先孕〉為題文章，除咗引「爆料人」話，學民仔目前至少有三成成員喺組織中有男女朋友，又話「學民女神」周庭等不乏大量求愛者，有家長報案指其未成年女兒加入學民常參加社會活動，之後搞到肚子漸大，去醫院檢查先知懷孕。 周庭同Emily講，學民只係搞社運，唔明白點解要受到如此攻擊。佢重申學民成員無未婚懷孕，成員間亦無報道中講嘅男女關係，直斥文章過分可恥。至於佢係咪有好多求愛者？周庭回應﹕「好恐怖！完全feel唔到囉！」
|
| |
| |
;)
