民主黨創意橫額 抗「袋住先」廣告
[2014.08.30] 發表
【明報專訊】政府賣廣告唔使錢，日日宣傳「有票，真係唔要？」，Emily聽聞，政府嘅輿論攻勢唔會停，喺人大常委公布香港政改框架後，政府會繼續新一輪宣傳攻勢，叫人「袋住先」，即先接受不完美嘅方案，至少爭取到一人一票。
民間團體及政黨無政府咁財雄勢大，唯有用創意及多媒體宣傳還擊。繼公民黨拍片講「袋住先」係呃人，民主黨就用圖畫及橫額反宣傳(右圖)，包括圖中以「屠房」為背景、有兩個入口畀牛牛揀，但終點都一樣！佢哋喺facebook上載另一幅橫額嘅相，仲略帶一點「味道」。呢幅橫額係用安全套做主題，話如果穿咗窿，點可以「袋住先」？呢種反宣傳手法，係創意定係低俗，見仁見智。
更多港聞
相關新聞
