巨無霸派優惠券 客仔話唔知道
[2014.08.05] 發表
【明報專訊】早前捲入福喜食品風波嘅麥當勞，搞優惠吸引顧客，由噚日至今個星期五，會向顧客派一張「Big Mac感謝優惠券」，顧客憑券喺星期日或之前去指定門市，都可以用10蚊買到個巨無霸。
Emily噚日去銅鑼灣麥當勞睇過，下午1點左右一直都有幾個顧客排隊，但唔少顧客事前都唔知麥當勞有優惠。噚日食咗個魚柳包餐嘅梁小姐話，唔會為咗優惠而食巨無霸；另一個顧客武先生就話，返工貪方便會食麥當勞，有機會用優惠券。
有番生菜 購自美台
香港麥當勞餐廳提供嘅包，曾因入面夾嘅生菜發現來自福喜，生菜「消失」咗一段時間，噚日麥當勞嘅4款包終於重新有番生菜，呢批生菜來自美國同台灣，Emily買咗一個板燒雞腿包，味道同以前嘅無咩分別。
更多港聞
【明報專訊】建制派動員反佔中下，近日愈來愈多團體話要加入反佔中行列，有人連國父孫中山都擺上枱。香港中山青年協會副主席陳昭昭話，為咗發揚孫中山...
詳情
相關新聞
