【明報專訊】勞工及福利局長「小肥張」張建宗自2007年上任以來，一路「單人匹馬」上陣，任內制訂�鰴怬C工資、經歷過紮鐵同碼頭工潮等難關。不過，隨住扶貧政策逐一上馬，加上標準工時有排傾，可能局長都要認真搵個人幫手，等足7年終於宣布有副局長，由現任勞福局康復專員蕭偉強擔任，8月中上任。

57歲�嚙蔑雇j1978年加入政府，由行政主任(EO)做起，做過土地註冊處、前市政總署、公務員事務局及律政司等部門，2008年起上任勞福局康復專員，負責協調殘疾人士康復政策同措施。

不過，Emily同行家不禁一問，之前勞福局招請副局時，都有唔少具勞工或社福背景�儭窶`老手面試，點解最後會揀�髐@個對勞工議題唔太認識�顁O呢？張建宗噚日話，過去都有致力物色副手，認為蕭副局係合適人選，相信佢熟悉社福界運作，而自己就對勞工事務有認識，佢做副手就可以互補，好好合作。