【明報專訊】社民連主席梁國雄(長毛)出獄後首次出席立法會大會，但因為佢著T恤、短褲開會，被民建聯葛珮帆(EQ)投訴，話佢衣著唔莊重，要求主席裁決。立法會主席曾鈺成接納呢個投訴，要求長毛換番條長褲先可以再入番�褻}會。長毛好不滿，一度唔肯離開搞到休會，但最終因為今次會期仲有4日，唯有「忍辱負重」去換褲。

曾鈺成受理 長毛要換褲

EQ話，根據議事規則第42條，「議員進出立法會會場，在衣飾及舉止上須保持莊重」，質疑長毛著短褲違反有關規則，佢見記者時話，係收到有市民投訴，覺得如果今次可以著短褲開會，咁下次係咪可以著泳褲開會，之後更加可以唔著褲呢？

「妖冶打扮論」激親梁美芬

長毛對呢個質疑好氣憤，佢話議會係人民�鵀a方，唔應該歧視著短褲�鴾H，呢個係香港夏天時最多人著�麊A飾，形容呢個裁決係歧視，點解女士可以著露膝短裙開會，男士就唔可以著短褲呢？批評裁決侵犯�魖k女平等權利，稍後會提出司法覆核。噚日開會所見，的確唔少女士著露膝裙，好似民主黨黃碧雲、新民黨葉劉淑儀等。

其他男議員對呢個投訴亦不以為然，好似民建聯鍾樹根笑言要打番條呔先開會，費事被人質疑唔莊重。長毛返入去開會後就反擊，「我覺得梁美芬議員�鵀蝯菢曮Y好莊重」，曾鈺成不認同，長毛繼續講﹕「周時見到�齯k性打扮得妖冶我都覺得唔莊重」，曾鈺成叫長毛唔好擾亂秩序，梁美芬就要求對方收回「妖冶」呢個形容詞，但曾鈺成話無聽到長毛話邊個。

新民主同盟范國威亦加入戰團，形容「妖冶係要有客觀條件，梁美芬議員唔需要過慮」。