【明報專訊】文憑試學生想讀醫科，除咗要考得好成績外，仲要喺嚟緊嘅面試突圍。中大醫學院院長陳家亮話，其實唔需要有字典咁厚嘅履歷，最重要有一顆謙遜、以病人利益為首嘅仁心，試過有個學生喺履歷填咗50項喺香港同海外參加過嘅活動，但被問到當中有咩深刻體會令佢想做醫生時，佢淨係遊花園，令人完全感覺唔到佢有heart，卒之被叮走咗。 港大：會睇溝通解難力 反之，試過有學生履歷上只填咗兩項課外活動，但佢講得出自己點用心參與，同埋從中得到乜嘢啟發，結果成功入咗醫學院。 至於港大醫學院呢，校方同Emily講，面試時要睇學生有無愛心，及測試佢哋嘅溝通同解難能力，港大學生喺facebook開咗個「港大學生大使dse支援組」專頁，解答文憑試生嘅疑問。
|
| |
| |
;)
