【明報專訊】社民連前日打算由中環遊行至中聯辦，其間因為佔用行車線而被警方包圍，對峙4小時後，警方終於將所有人逐一抬返行人路，事件中無人被捕，警方事後發聲明表明會追究有關法律責任。退休警察兼「香港行動」召集人冼澤正睇完新聞片，噚日就向警方舉報社民連梁國雄(長毛)同其他成員，仲話所有有睇新聞報道�鴾H都係證人。

噚日網上流傳一張署名係冼澤正�鵅u罪案資料郵柬」，上面寫住舉報長毛等社民連成員，話由電視新聞度睇到有關事件，批評佢�]阻塞交通，要求警方檢控犯法分子。

Emily問過冼澤正，佢話係社民連等人咁惡，正正係因為警方無嚴正執法，批評長毛等人有法不依、故意犯法。

不過，睇完新聞就可以舉報，有無濫報之嫌呢？會唔會好似�齱u梁粉」咁講，大鑼大鼓舉報，係將執法機關變成「政治工具」？冼澤正就話，佢去舉報係要確認警方真係會跟進，因為如果無人投訴，警方隨時算數。