【Emily】教資會網上記招 無讀出涉政治提問
[2020.09.29] 發表
【明報專訊】疫情下，唔少記者會都用Zoom舉行，噚日大學教育資助委員會(UGC)傑出教學獎嘅記者會都唔例外。噚日大會聘請嘅公關公司安排記者先將提問WhatsApp畀公關人員(PR)，再由在場主持代問。Emily噚日WhatsApp咗3條問題畀PR，其中包括喺《港區國安法》下，得獎者有冇覺得學術自由受損、萌生去意，以及近年學生多涉政治，教師應該如何應對等，但PR就無讀出本報提出涉及政治嘅提問。
PR：配合主題 教學有關優先問
PR事後回應，話由於簡報會時間有限而傳媒提問眾多，為配合簡報會主題，優先處理與教資會傑出教學獎及得獎者教學心得有關嘅提問，如記者仲有其他嘢想問，樂意協助聯絡得獎者。
Emily先問3條題目，PR讀出一條有關獲獎項目嘅問題，其後Emily再追問相關資訊，PR都有代為補問；但去到記者會結束，涉政治嘅問題PR都未有代為發問。另外，有記者原本問及過去一年多反修例運動及疫情，有冇令得獎者有離港打算，主持人讀出提問時，就改成疫情及過去一年香港艱難時刻(difficult time)，問學者回應。
更多港聞
具特別才華 不看DSE直接取錄 「學校推薦」新機制 科大有課程擬參加
【明報專訊】學校課程檢討專責小組上周交最後報告，建議8間資助大學推出「學校推薦直接錄取計劃」（下稱計劃），每間中學可推薦兩名在STEM、體育... 詳情
相關新聞
