【Emily】戴安娜王妃遺衣展出 黃藍裙裝與港有淵源

（李紹昌攝、主辦方影片截圖）

已故英國王妃戴安娜穿著嘅部分禮服及套裝今日起喺尖沙嘴K11 MUSEA展出。圖為戴安娜生前常用嘅「紫色皮革手拿包」，佢喺1989年11月來港訪問及翌年10月與時任美國第一夫人芭芭拉布殊會面等場合，都被拍攝到手持呢個手拿包，估價介乎15.6萬至31.2萬元。（李紹昌攝）

【明報專訊】英國王妃戴安娜逝世超過26年，佢生前著過嘅禮服及套裝今日起喺尖沙嘴K11 MUSEA展出，其中一套金色紐單排扣黃色西裝外套配搭直筒海軍藍鉛筆裙組成嘅套裝，由法國設計師Catherine Walker操刀，係戴安娜1989年隨王儲查理斯訪港時參觀英國海軍基地添馬艦及香港紅十字會時所著，現時估價介乎23.4萬至39萬元。

另有紫色手拿包 拍賣收益捐英肌萎症協會

場內亦展出戴安娜王妃常用嘅「紫色皮革手拿包」，估價介乎15.6萬至31.2萬元。戴安娜生前經常以呢個手拿包搭配時裝，舉例試過配搭Catherine Walker嘅雙排扣粉色裙裝及圓頭高跟鞋。戴安娜喺1989年11月抵港訪問，1990年10月與時任美國第一夫人芭芭拉布殊會面，以及1992年2月參觀印度泰姬陵時，都被拍攝到有用呢個手拿包。

展品將展出至本月29日，開放時間早上10點至晚上10點，需提早預約，在場參觀者可掃描二維碼了解每件禮服及套裝背後嘅故事。喺本港預展後，展品會運到愛爾蘭於6月舉行嘅「優雅經典：戴安娜王妃及皇室收藏」展出及拍賣，拍賣所得將捐畀英國肌肉萎縮症協會。

更多港聞

【Emily】去東九文化中心 沉浸體驗舊街景

【明報專訊】東九文化中心下周一起會多一個新設施向公眾開放，就係位於地下嘅室內空間「展隅」，到時並會舉辦沉浸式互動體驗「環遊角落」，由藝團XR... 詳情

【Emily】創意智優拒13資助申請 包括HOY TV

【明報專訊】「創意智優計劃」每年資助有利香港創意產業發展嘅項目，包括不同形式如電視、設計等，2023年有13個申請不獲批准。文化體育及旅遊局... 詳情

【Emily】高才為港捐「第一滴血」

【明報專訊】吸引人才來港就業嘅「高端人才通行證計劃（高才通）」推出超過一年，香港高才通人才服務協會噚日同紅十字會合辦捐血日，有多名經高才通來... 詳情

【Emily】一支水「孖份」飲

【明報專訊】近日天氣幾熱下，天文台話噚日氣溫有28.6℃，嚟緊幾日預測最高31℃。噚日喺西九龍裁判法院外，執勤警員不時都要補充水分，慎防中暑... 詳情

中小生羅湖法治團 覽法院聽審 了解自由非全無限制 盼激發學生愛國情懷

【明報專訊】2017/18學年起，教育局每年提供約10萬個名額資助中小學生赴內地交流。局方自上月起五度向學校發通函，共介紹「薪火相傳平台系列... 詳情