【Emily】大熱粵語音樂劇《大狀王》招募演員
[2024.02.17] 發表
【明報專訊】大受歡迎嘅原創粵語音樂劇《大狀王》將喺明年再度重演，除咗喺西九戲曲中心上演外，更會衝出香港，首度到內地演出。西九文化區「自由空間」噚日宣布公開招募演員，要求有意申請者除咗年滿18歲、能操流利粵語演出外，亦須讀過音樂劇／表演相關學位或證書課程、參與過公開音樂劇演出，又或者有過演藝、演唱相關經驗。
《大狀王》係西九文化區首個委約、並同香港話劇團聯合主辦製作嘅粵語音樂劇，故事講述廣東狀王方唐鏡助紂為虐、多行不義，終惹厲鬼纏身，而佢為求活命，就應要求幫鬼魂阿細嘅心上人翻案。呢套劇喺2022年首演同2023年嘅重演都大受歡迎，亦奪得多個本地舞台劇大獎。
更多港聞
相關新聞
