【Emily】新春金多寶獨中料過億 29號最旺

[2024.02.14] 發表

【明報專訊】今日隨時誕生歷來六合彩頭獎最高派彩得主！六合彩新春金多寶今晚9點半攪珠，將有8500萬元金多寶，若果10元一注中頭獎，估計派彩高達1.18億元，將會係六合彩推出以來最高紀錄。翻查馬會資料，唔計2021和2022年無攪珠，由2017年到舊年新春金多寶都有人中頭獎，而過去36次新春金多寶攪珠，最旺號碼係29。

超級巨獎當前，唔少人提早去投注站排隊，或者透過電話投注及網上投注買六合彩，截至噚晚8點，投注額已累積超過1.38億元，而今晚截止投注時間係9點15分。

新春金多寶自1986年來舉行過36次，29號攪出過10次，差唔多每3次攪珠出現一次；其次係攪出9次嘅3號同11號。睇番對上兩次龍年新春金多寶攪珠，咁啱兩次都見到29號出現，唔知呢個幸運號碼今次會否「三龍(年)獻(金多)寶」？

更多港聞

【Emily】德總領館介紹卡通龍象徵希望友誼環保

【明報專訊】今年係龍年，唔少人都討論東西方龍嘅唔同形態，德國駐港總領事館就喺facebook介紹喺德國家傳戶曉、受大人同細路歡迎嘅卡通龍塔巴... 詳情

【Emily】大埔情人節夜市設「放閃」打卡位

【明報專訊】特首李家超早前宣布「日夜都繽紛」，各區民政事務處都牽頭大搞夜市等活動。今日係情人節，大埔藝術中心噚日提早開始搞「心願夜市」，放有... 詳情