【Emily】灣區金融科技實習 每月津貼$12000

[2023.10.28] 發表

【明報專訊】財政司長陳茂波喺今年2月嘅《財政預算案》宣布推出專上學生金融科技實習計劃，財經事務及庫務局噚日推出相關計劃，協助學生喺香港、大灣區內地城市嘅金融科技企業實習，包括騰訊。

計劃會為學生提供2至6個月嘅實習機會，每月津貼12,000港元或10,500元人民幣。冬季實習計劃11月30日截止申請，首批學生預計最快今年底開始實習。

今次計劃有超過30間香港同內地嘅虛擬銀行、虛擬保險公司、監管及合規科技等唔同範疇嘅金融科技企業。睇番計劃嘅網站，參與嘅內地機構包括騰訊、招商銀行、富途等，提供超過150個喺香港、廣州、深圳、珠海嘅實習名額。

財庫局長許正宇話，實習計劃可以畀學生親身了解金融科技企業嘅運作，同埋香港、內地金融科技嘅生態系統，仲可以及早增進佢哋對投身相關行業嘅認識，壯大本地金融科技人才庫。

更多港聞

【明報專訊】特首李家超喺《施政報告》宣布推行第二期「共創明『Teen』計劃」。政府噚日公布詳情及即日起收申請。新一期計劃擴展涵蓋弱勢社群家庭... 詳情

【明報專訊】中電綠優校園認證計劃2014年推出，喺2022/23學年有17間天主教小學參與。中電日前舉行頒獎禮，為計劃畫上句號。今學年參加嘅... 詳情