【Emily】中大：醫健通有助糖尿病人控血糖
[2023.06.30] 發表
【明報專訊】香港有70幾萬人患糖尿病，即係每10人就有1個。中大醫學院研究顯示，糖尿病人用「醫健通」手機程式嘅「健康管理」功能後，成功控制糖化血紅素(HbA1c)至理想水平嘅機率，比無用醫健通嘅病人平均高四成。研究團隊話數據反映醫健通有助病人自我管理血糖水平，仲話要鼓勵老人家使用。
血糖達標機率增四成
政府喺2021年首季推出「醫健通eHealth」App，同年7月增設「健康管理」功能，用家可自行記錄血壓、血糖指數等數據。中大研究團隊前年1月至舊年5月收集咗超過10萬個糖尿病患者嘅數據，約3.2萬人有用醫健通，當中1744人同時使用健康管理功能。數據顯示，用呢個功能嘅病人，成功控制HbA1c至理想水平嘅機率比無用醫健通嘅病人平均高四成，年輕女性糖尿病人嘅相關機率更高六成。?
負責研究嘅中大醫學院賽馬會公共衛生及基層醫療學院教授黃至生話，糖尿病人每次覆診要帶好多文件，部分未必帶得齊資料，個App嘅健康管理功能就可以幫醫護即時查番數據，可以更對症下藥，建議港府加強推廣醫健通。
更多港聞
【Emily】梁劉柔芬出故事書 盼助年輕人穩步人生
【明報專訊】立法會前議員梁劉柔芬最近出版新著作《輕風柔語──63個啟迪青少年的小故事》。佢喺序言話，寫呢本書嘅原因之一，係佢成日都諗，若果青... 詳情
【明報專訊】3名身兼中文大學校董的立法會議員提出議員法案，建議修改中大校董會組成方式及提高聘任校長門檻等，昨早在立法會首讀，並交付內務委員會...
詳情
相關新聞
