【Emily】名建築師樓贈大項目模型素材 M+展「鳥巢」模型 近距離賞結構

M+博物館獲瑞士建築師事務所、M+大樓建築師Herzog & de Meuron捐贈有「鳥巢」之稱嘅北京國家體育場1:150切面模型，參觀者可近距離觀看「鳥巢」縱橫交錯嘅線條設計。（朱安妮攝）

【明報專訊】西九文化區M+博物館獲瑞士建築師事務所Herzog ＆ de Meuron，捐贈有「鳥巢」之稱嘅北京國家體育館1:150切面模型，遲啲亦會捐贈佢哋喺世界各地設計重要項目時所用到嘅各種素材。「鳥巢」模型𠵱家喺M+東展廳嘅「物件．空間．互動」展出，展期去到明年中，買標準門票嘅入場者都可以睇到。

稱市民可水平視線觀看內部建築

「鳥巢」係Herzog & de Meuron為2008年北京夏季奧運會設計嘅主場館。M+話，場館採用縱橫交錯設計，靈感取自裂紋釉陶瓷同鏤空雕刻木屏風等傳統中國工藝品，場館嘅外觀設計不止構成場館上蓋，亦交織出環繞主運動場周邊嘅結構，形成大片廣闊又有遮蔽嘅公共空間。

M+設計及建築主策展人橫山育子(Ikko Yokoyama)話，「鳥巢」除咗展示美學同藝術性，亦極具教育意義，市民同小朋友可以從水平視線角度，觀看同了解內部建築結構。

另外，M+噚日亦公布第2屆希克獎(Sigg Prize)6名入圍藝術家名單，包括范加、苗穎、王拓、謝南星、楊沛鏗、于吉，佢哋過去3年嘅作品，於9月23日至明年2月18日喺M+地下大堂展廳展出。評選結果明年初公布，得獎嘅其中一名藝術家將獲得獎金50萬元，其餘嘅藝術家可獲10萬元。

更多港聞

【Emily】花展回收日派花 市民大排長龍

【明報專訊】一連10日嘅香港花卉展前晚閉幕，康文署噚日免費向市民派花展主題花繡球花，共派發約3000盆狀態良好及可種植嘅花卉。噚日朝早有唔少... 詳情

【Emily】去完婦協活動 林鄭快餐店買外賣

【明報專訊】香港各界婦女聯合協進會（婦協）噚日聯同逾百個婦女團體，喺上環信德中心舉辦慶祝國際婦女節酒會，特首李家超同太太一齊出席，而身穿紅色... 詳情

【Emily】外交部特派員帶團 港領事代表訪灣區

【明報專訊】外交部駐港公署特派員劉光源最近親自帶隊，帶咗30多個外國駐港機構嘅總領事、代總領事或代表，加埋近20個商會主要負責人、17間跨國... 詳情

【Emily】迪士尼伙芭蕾舞團 演出StellaLou追夢之旅

【明報專訊】香港迪士尼樂園首次與香港芭蕾舞團合作，下月5至10號、14至16號，喺園內攜手舉行「StellaLou夢想起舞吧」表演，每日會有... 詳情

為續存 恒大學生會擬修章 增「解散章節」符警要求 籲會員大會投票

【明報專訊】2010年成立的香港恒生大學學生會（前稱恒生管理學院學生會），以獨立註冊社團形式運作。綜合學生會及其編委會報道，學生會須修改會章... 詳情