【Emily】旅發局想搵楊紫瓊宣傳Hello HK
[2023.03.18] 發表
【明報專訊】馬來西亞華人楊紫瓊勇奪奧斯卡影后，旅遊發展局噚日舉行傳媒午宴，總幹事程鼎一透露之前搵過楊紫瓊宣傳香港，但因檔期問題未成事，不過知道楊今年下半年會嚟香港，到時會再嘗試搵佢宣傳「Hello Hong Kong」計劃，形容對方反應正面。
旅發局之前邀請藝人郭富城、鄭秀文、陳慧琳拍片宣傳「 Hello Hong Kong」，被質疑唔啱年輕人心水。程鼎一話因為要針對高端客源需要，而三人喺內地同東南亞等都比較出名同受歡迎。
今年4月1日係「哥哥」張國榮離世20周年，疫情前每年都有好多人喺文華東方酒店樓下獻花，程鼎一話收到有內地旅客查詢當日可否到文華樓下獻花悼念，佢哋會向警方同酒店方面了解。
更多港聞
【Emily】做事爽快 新天文台長陳栢緯綽號Top Gun
【明報專訊】天文台今個月換台長，今個星期展開退休前休假嘅鄭楚明前幾日已經去咗旅行，第一站係湖北省嘅恩施大峽谷，噚日喺facebook貼出幾張... 詳情相關新聞
